عند مفترق الطرق بقلم شريهان سماحة1

—————–

في مساء يومهما التالي..

هوى على مقعد بيتهِ منكسرًا.. حزينًا.. يعيد على خلوته ملامح لقاءهما اليوم كأي غريبين لبدء تنفيذ أولى مراحل الفراق..

مقابلة صامتة هادئة لا تخلو من نظراتهما المختلسة حتى تمت الإجراءات اللازمة و ابتعد كلٌّ منهما بطريقه..

متذكرًا بأنه هو من بدأ بتنفيذ الفراق أولا عند ارسال رسالته بكل جفاء و كبرياء.. فكيف ينسى لها صمتها على إدلائه الذي اقتلعه من جوف صدره بصعوبة بالغة.. لتقابله بفتور و تشق الخطى ذاهبه من أمامه.. موحيه إليه بأنه و اعترافه لا يعنيها في شيء و لا تقدرهما.. فلو كانت تحبه لقبلت به و بحبه على الفور و غفرت ذنبه.. و لكنها على ما يبدوا لا تريد قربه و لا مشاعره.. لهذا سيغلق على وجعه و يبتعد دون أن يفرض نفسه عليها و يتوسلها أن تبقى بجواره..
و ها هو نفذ أولى رغباتها اليوم دون ندم..
و غدًا سينفذ لها رغبتها الثانية.. الرغبة الأكثر ثقلاً على قلبه و لكنه مجبر على تنفيذها بكل إباءة..

ـــــــــــــــــ

ـ إيه الفلوس دي يا بنان..

جاءها استفسار شقيقتها عقب فتح المكالمة ففطنت مقصدها لهذا تمتمت..
ـ هي وصلتك..

– أها.. مقولتيش دول بتوع أيه..

جلت بنان حنجرتها ثم ردت بهدوء..
– دي أديها لبابا يا ماهيتاب عشان أقساط الشهر دا.. و كل شهر بأذن الله ليه قدهم عشان ما يشلش هم السداد و يفوق في أخر أيام عمره من جوا الجمعيات و الدين دا بقى..

فأجابتها مبتهجة..
ـ حبيبة قلبي أكيد هيفرح قوي و يدعيلك لما يعرف أنك حاسه بيه و عاوزه تساعديه..
مواصلة بحيرة..
– بس أنتي جبتيهم منين؟!

مع عدم تلقي رد سارعت ماهيتاب بوجوم..
ـ أوعي تقوليلي أنك جبتيهم من مالك.. كدا عيب كبير في حق بابا و حقنا يا بنان و أكيد هيرفض ياخدهم و مش هيوافق مهما عملتي..

فعاجلت تنفي ما قالته بقوة..
ـ لا طبعا مالك ملوش دعوة بالفلوس دي خالص.. دي من فلوسي أنا و بعيده عن فلوسه كل البعد..

فتحيرت شقيقتها..
ـ مش فاهمة.. هو أنتي إيه و هو إيه.. مش انتي مراته و فلوسك فلوسه برضه

– لا..
ثم همست تصحح بارتباك..
ـ أقصد أاانا.. بقيت اشتغل دلوقت

ـ بتشتغلي!.. غريبة!.. و هو وافق على كدا

فتجهمت بضيق..
ـ هو إيه اللي وافق على كدا يا ماهيتاب.. ليه دايما بتحسسيني أني صغيرة و مش عارفه مصلحتي..