عند مفترق الطرق بقلم شريهان سماحة1

تطلعت حولها تنهش معالم المكان بحيرة حتى وجدت خبرية عريضة تأكد عنوان وجهتها، حسمت ترددها و قبضت على حقيبتها ثم اضطرت على المغادرة، فاستوقفها بجمود كلماته و يداه على المقود أمامه..
ـ على خمسة بالظبط هتلاقيني موجود..

فرصدت جانب محياه مندهشة..
ـ ليه..

اضطر على رمقها بعاجلة لمدراة ما بعينيه من ألم..
ـ مش دا معاد خروجك برضه و لا إيه..

هزت رأسها تلقائيًا، ثم والت باعتراضها..
ـ أيوه.. بس دا كمان عز وقتك اللي محتاجه للنوم و الراحة عشان تكون فايق لورديتك بليل..

فرد عليها بحزم مقتضب و هو يطالع المشهد أمامه بأكثر قوة..
ـ مالكيش دعوة بورديتي.. و زي ما قولتلك على خمسة هتلاقيني موجود هنا مستنيكي..

لتضطر على مغادرته باستسلام ليتمنى لو استزاد و فاض بحديث قلبه إليها (خلي بالك من نفسك).. و لكنّا عباءة جموده قيدت المعشوق داخله و جعلته يبصر مغادرتها بصمت تام حتى اختفت من أمامه خلف بوابة المجمع الصناعي ..

عقب برهة ترقب تولى عجلة القيادة من جديد و غادر نحو منزله بزفرة ضيق.. فقطع خلوته رنين هاتفه الصاخب..
وجد صاحبته تلك التي باتت غريبة عن قلبه كل يوم عن ذي قبله..
فهم عقب فتح الاتصال يرد على تحيتها الحارة ” وحشتني ” بنبرة فاترة..
ـ أهلا يا سارة ..

فعاجلته بعتابٍ لاذع..
ـ يعني اسبوع بحالة بعيد عنك و في الأخر أهلا يا سارة.. بدل ما كنت تقولي و أنتي كمان وحشتيني أو على الأقل تستعجل قبلها بالاتصال..

على قارعة الطريق اتخذ حذره و توقف جنبًا يستجلب الصبر بعد أن بات دلالها فاترًا على قلبه للمرة الأولى، مُجيبها على مضض..
ـ و اتصل ليه و أنتي عارفه أن الرد الحاسم على اللي جاي عندك أنتي مش عندي..

فبلغهُ انفعالها..
ـ يعني كل الوقت دا لسه برضه مصمم على رأيك و عاوز تخليني اواجهه لوحدي..
ثم عدلت من نبرتها متحايلة :
ـ مالك أنت مش مفروض بتحبني و بتسعى زيي أن نحقق حلم جميل يجمعنا من سنين.. يبقى مفروض عليك أنت كمان تركب الموجة معايا بحلوها و بشرها و متتخلاش عني.. المنطق بيقـ

ـ ساااااااارة

صاح بنداءه الجهوري على غفلة و هو يكاد يكظم غيظه داخله.. مما بترت حديثها بفزع على أثره و اجبرت تنصت لاستفساره الملغم عقبها..
ـ سبب موافقتي عشان نرجع لبعض كان إيه؟!

و كأنها فاقت من غيبوبتها على فحيحه ذاك و تذكرت.. فتلجلج لسانها تجيبه عقب وهلة تردد..
ـ أن اضمن موافقة بابا و ميحصلش اللي حصل بينكم زمان..