عند مفترق الطرق بقلم شريهان سماحة1

عقب همسها ذاك سمعت بدء زقزقة الصغير دلالة على قرب عاصفته الصاخبة فقالت تودعهم بعجالة..
ـ ملعش يا ماما مضطرة أقفل دلوقت.. بأذن الله هكلمكم في أقرب فرصة تانية.. سلام..

ثم همت بغلق الهاتف عقبها و قدميها تسابق بهما نحو الغرفة قبل أن تبدأ وصلة صراخهُ و يفزع مالك.. فتفاجأت عقب دخولها بأن الأخير شعر به من غفوته و هم بإعطائه رضعته الصناعية المحضرة من جانبها منذ قليل تمهيدًا لإفاقته، فقالت بخفوت..
ـ عنك أنت لما ارضعه..

فهمّا يرد عليها بنبرته الخملة..
ـ مفهاش صعوبة خلاص هكمله..
مواصلا باستفساره..
ـ هو احنا نمنا قد إيه..

ـ يعني.. حوالي اربع ساعات كدا..

فصاح مندهشًا..
ـ كل دا.. و مصحتنيش ليه عشان أصلي..

ـ عملت كدا و الله أول ما خلصت الأكل بس انت كنت مرهق قوي و قولتلي سبيني شوية..

فعاد برأسه للخلف بعدم اتزان مرددا..
ـ طب حضريه لو سمحتي عقبال لما أقوم أصلي.. كدا كدا هو قرب يخلص

واصل بها مشيرًا على الصغير و هو يلهم رضعته بنهم أثر جوعه الشديد..
فأومأت بنان بالإيجاب مستديرةً لوجهتها، فبغتت بسؤاله..
ـ هي مامته دا كله ماجتش..

استدارت تواجهه بتردد و ارتباك..
ـ بصراحة جت و طلبته و انتم نايمين.. بس أنا خفت اصحيك أو اصحيه لحظة ما باخده، فقلتلها نايم غير أنه مينفعش يخرج من فرشته لبرة على طول كدا.. فسمحت ليها تنزل توضب حاجتها على مهلها و لما يصحى هنزلهُلها..

فهز رأسه ببطء مرددًا..
ـ تمام.. روحي شوفي إيه اللي هتعمليه..

ـــــ

مع مرور بعض الوقت في انشغالها بتسخين الطعام بغتت به يطل عليها صائحًا بتجهم و قميصه المبلل يبعده عن جسده باشمئزاز..
ـ شوفي أخرة المعروف

ففزعت بدهشة..
ـ يا ربي إيه دا.. هو فوض عليك

ـ فوض إيه دا بتهيئلي رجع عليا كل اللي رضعه..

تنهدت بعتاب..
ـ ما أنا توقعت حاجة زي دي من واقع خبرتي مع بنات أختي.. عشان كدا قلتلك هاته و أنا أكمله و أنت رفضت..

رد عليها بإمتعاض ..
ـ مكنتش أعرف أن ابعاد الموضوع مقرفه أوي كدا.. على العموم مش هقدر اتغدى و أنا بالريحة دي.. هروح الأول أخد تاني شور على السريع وأنتي معلش أخري الأكل شوية..

فأومأت إليه مردفة..
ـ حاضر.. و عبال لما تخلص هروح أغيرله كمان عشان بعد الغدا أنزله لولدته..

فعاد من خطى دورة المياة يؤمن خطوتها بشدة، مترجيًا..
ـ يا ريت ارجوكي.. لأن شفت على ايده النهاردة اللي محدش يتحمله و بعد كدا لو عاوزه تستضفيه تاني يبقى في وقت أنا مش موجود فيه خالص.. تمام