ندبات القدرالشيماء مسعد 2

قال بغضب : نورين هتحكي انتي ولا احكي انا ، الموضوع دا خد أكبر من حجمه معايا

قالت نورين وهي تزيح دموعها : أنا هاتكلم

نظرت إلى والدتها وقالت : الاستاذ عبدالناصر زي بابا مش اكتر والكلام المكتوب في النوت بتاعتي مش عشانه ، ارتاحتي كده يا ماما

صمتت لم تجد ما تقول هي الآن في موقف لا تحسد عليه
ابتلعت لعابها وقالت بندم : أنا آسفة للمرة التانية يا استاذ عبد الناصر و….

قطع كلامها وهو يقول : حصل الخير يا مدام
أخرج نقودا من محفظته وضعها على الطاولة كانت ثمن القهوة والعصير الذي طلبهم لثلاثتهم وقال : عن اذنكم ،

قالت مريم بندم : يا استاذ عبد الناصر ، استنى
لم يلتفت لهما وغادر وهو حقا غاضب من تلك السيدة المندفعة

قالت نورين بحزن : أنا زعلانة منك بجد يا ماما ليه عملتي كده ؟
ردت هي بغضب : أنا اللي زعلانة المفروض اني مربياكي على الصراحة
قالت نورين وهي تبكي : خفت احكيلك تبعديني عنه ، هو بيديني طاقة اقدر اكمل بيها كل حاجة ناقصة في حياتي ، لو شفتي يا ماما بيبصلي ازاي هتتمني أن حد يحبك بالطريقة دي
لو كنت حكيتلك وطلبتي مني ابعد عنه ماكنتش هقدر اخالف كلامك وفي نفس الوقت ماكنتش هقدر ابعد عشان كده كنت خايفة اخسر حد فيكم ، ليه ديما انا اللي لازم اخسر ليه انا اللي اتحط في اختيارات لازم اخسر فيها حد يا ماما
زي لما اتحطيت في اختيار بينك وبين عيلة بابا كنت مضغوطة وحزينه هو ما ينفعش اعيش معاكي بس في نفس الوقت تبقى علاقتي بيهم كويسة

كانت تشهق مع كل كلمة تخرج منها احتضنتها مريم وقالت : كل دا يا نور شايلاه وساكتة
هدأت نورين قليلا تابعت والدتها : أنا عايزة اشوفه
صمتت نورين تفكر يا له من مأزق ، هل سيعجبها ، وهل عليا ان أخبرها بأنه مرتبط بأخرى ام لا ؟؟
_______________________

استيقظ رازي قرابة المغرب لم يجد قدر خرج وجدها تعد طعام العشاء
قال وهو يشد اجزاءه : أنا نمت كل دا ازاي

نظرت له وقالت : مين ماجي دي

ابتسم وقال : انتي فعلا آنسة فضوليه

اقتربت منه وامسكت تلابيب قميصه وقالت بجرأة غير معهودة : أنا مراتك ومن حقي اعرف كل حاجة

احتلت معالم الدهشة وجهه لم يتفوه بكلمه لكنه أعجب بتلك الجرأة كانت اكثر جاذبية من كونها بريئة حاوط خصرها بيديه وهو يهمس لها بنبرة دافئة : حد قال غير كده
ابتعلت لعابها بتوتر نهرت نفسها لجرأتها تلك لقد وقعت في فخه الآن
قالت بتلعثم : الاكل على النار
قال رازي وهو يستنشق عبير خصلاتها : يولع