فارس الحياه
الدادة بحزن: انا جاية معاكي يابنتي فارس طردني أنا كمان.
حياة بحزن: حتي أنتي مرحمكيش.
الدادة بحزن :ما تفرقش يا بنتي.
حياة بسخرية: عندك حق يلا بينا.
الدادة بحزن: طيب أنا جهزت حاجتنا بره يا بنتي.
حيا ة بنفي: لا يا دادة أنا مش عايزة حاجة.
الدادة بحزن: بس دي هدومك وحاجتك يا بنتي.
حياة بهدوء :هاخد حاجتي القديمة وبس هي في شنطة فوق.
الدادة بهدوء :نزلتها معاهم يا بنتي يلا بينا .
لتومئ لها حياة وتفتح حقيبتها وتخرج الفيزا والأموال التي أعطاها لها فارس وتضعها علي طرابيزة السفرة :يلا بينا .
ليغادروا الإثنين بحزن وحسرة علي ما حدث لهم .
………….بقلم زينب سعيد……………
في الأعلي في غرفة فارس.
يقف في البلكونة ينظر لهم بحزن شديد.
ليغمض عينه بألم :غصب عني أنا كده بحميكم حتي لو الثمن أنكم تفضلوا بعيد عني.
………….بقلم زينب سعيد……………
في شركة فارس.
ينتهي خالد من ملف الصفقة ويذهب لتقديمه وبعدها يذهب لمنزل صديق للأطمئنان عليه.
………….بقلم زينب سعيد……………
أمام فيلا فارس.
تقف حياة والدادة بحزن وحسرة ينتظرون سيارة أجري.
لتتحدث الدادة بحزن :هنروح يا حياة يا بنتي أتا شقتي في الحارة لسه موجودة هي اه قديمة بس أحسن من مفيش.
حياة بحزن: ماشي يا دادة.
لتأتي إحدي السيارات الأجري ليضعوا حقائبهم بها ويركبوا متجهين لمنزل الدادة سهير القديم.
………….بقلم زينب سعيد……………
في فيلا فارس .
يأتي خالد وينتظر فارس في الأسفل لتذهب الخادمة وتعطي فارس علما بوجوده.
لينزل فارس من غرفته ببرود ويجلس دون أن يتحدث.
خالد بهدوء:أخبارك أيه دلوقتي يا فارس.
فارس ببرود: تمام يا خالد.
خالد بإستغراب: متأكد إنك بخير.
فارس ببرود:أه بخير مش أنا إلي يكسرني واحدة ست.
خالد بإستغراب :بس أنت بتحبها.
فارس ببرود :بس خاينة عارف جزاة الخيانة أيه يا خالد.
خالد بتوتر: أيه.
فارس ببرود: الموت.
خالد بتوتر: أنت هتقتلها.
فارس ببرود: لا بس هي بالنسبة ليا ميته .
خالد بتنهيدة :المهم أن ربنا نجاك منها أمال فين الدادة أوعي تكون زعلانة منك.
فارس ببرود: لا سابت البيت ومشيت معاها.
خالد بصدمة: ليه ومين هيخلي باله من مالك
فارس ببرود :صعبت عليها الست حياة ومشيت معاها مالك أهو الشغالين هيخدو بالهم منه.
خالد بزهول :بس الشغالين مش هيهتموا بيه زي دادة سهير.
فارس ببرود :يعني أعمله أيه شوفلي دادة كويسة ليه.
