الحوت

كلها نظريات غلط ومسلسلات كلت دماغكوا. رحمه : معاك شهادة ايه؟!. رحيم غمزلها : تجارة انجلش …. متسأليش اكتر من كدة علشان مش هجاوبك. رحمه :طيب . فات نص ساعه والباب خبط : الاكل وصل قوم هاته بقا. رحيم قام بتعب وقرصها فى خدودها : ادلعى كمان.

(رحمه ابتسمت رحيم جاب ليها الاكل واكلت باستمتاع بعد ماكلت نص الاكل بصت ببرائه لرحيم بالساندوتش) رحمه : تاكل. رحيم بيحاول يفتح عيونه بصعوبه : لا. رحمه كملت اكلها خلصت ومسحت ايديها بصت لرحيم : الحمدلله شبعت انام بقا لانى تعبانه..

. رحيم ااتنهد : اخيرا يا رحمه يالا طفى النور بقا وزى ما قولت مش عاوز صوت. رحمه : قوم اطفيه اخاف اطفيه وارجع تاني للسرير ف الضلمه. رحيم : اووووف . ( رحيم قام طفاه وجه جنبها ونام ولسه بيروح فى النوم لقاها بتهمس باسمه ) . رحمه بهمس: رحيم…… انت نمت.

رحيم بصوت نايم : اه. رحمه : طيب .. أنا عطشانه. رحيم : يارحمه حرام عليكى بقالى يومين مطبق وعاوز انام. رحمه : يوووه خلاص نام مش عايزه حاجه. (رحيم قام بعصبيه ولع النور وجابلها ميه من التلاجه الصغيرة اللى فى اوضته وجه جنبها قومها وسندها ). رحيم : اشربى يا رحمه مانشوف اخرتها .

رحمه اخدت منه الميه وشربت : شكرا. رحيم حط الميه جنبه : اى حاجة تانيه ولا اطفى النور وانام. رحمه بنوم : لا طفي النور. رحيم : حاضر. (رحيم طفى النور وجه ينام لقها بتهمس باسمه للمرة تانيه). رحمه بهمس : رحيم. رحيم بصوت مكتوم ومش عاوز يتعصب عليها : نعم .

رحمه : قوم نلعب سوا اي حاجه. رحيم ضحك : قولى انكى بتهزرى قولى والله . رحمه بهزر : لا بتكلم جد . رحيم : رحمه هو انتى مش عارفه تنامى … خايفه من الضلمه مثلا. رحمه : أنا بخاف من الضلمه فعلا ومش بعرف انام فيها ولا بعرف انام جنب حد.

رحيم شدها لحضنه واخدها فى حضنه جامد : اه ماهو انا مش حد انا جوزك نامى بقا وانا ولا بتحرك ولا بعمل صوت فنامى وخلينى انام . رحمه : يوووووه طيب. ( رحيم ورحمه فى ثوانى دخلوا فى النوم والضهر اذن والاتنين نايمين فى سابع نومه وبدء الباب يخبط ).

رحمه بنوم : ايه ده مين بيخبط؟!. رحيم صحى فاجاه : ايه مالك .. فى ايه … عاوزة حاجة. رحمه : حد مزعج بيخبط شوف مين قلقني من نومي. رحيم بصوت رخيم : مين . فوزيه : انا سى يا رحيم . رحيم : فى ايه يا فوزيه على الصبح . فوزيه : صبح ايه يا سى رحيم….