امل نصر

انا راجل مقتدر واقدر افتح بدل البيت اتنين وتلاتة . كانت مجرد جملة واتقالت عشان بعدها ينكشف كل شيء واعرف حقيقة البني ادم اللي جه يتقدمي. البداية كانت مع جارتنا الست ام كريم لما جات وطبت علينا فجأة ساعة الصبحية بعد ابويا ما فطر وراح على شغله. يا ام محمد انتي يا ست يا ام محمد . خرجت من اوضتي على صوتها وهي بتنادي على امي من برا عتبت البيت روحت افتح لها الباب واستقبلها كعادتي معاها طبعا اصلها تبقى صاحبة امي كمان مش جارتنا وبس. خالتي ام كريم واقفة عندك ليه اتفضلي قولتها قبل ما اخد بالي من الست اللي كانت واقفة وراها ساعتها ام كريم سلمت بإيدها بحركة مفقوسة عشان انا كمان اسلم ع الست اللي وراها وقد كان. لقيت الست بتشدني من دراعي وبـ,ـوسه الخد ده والتأني كمان وايدها طبقت على إيدي وهي بتسلم بحرارة يا اهلا يا حلوة ازيك يا حبيبتي وازي امك. مكدبش عليكم انا اټخضيت وحتى صوتي خرج بالعافية وانا برد يا أهلا يا حجة أنستوا وشرفتوا اتفضلوا البيت بيتكم. دخلتهم ورحت على امي في اوضة الخزين اللي كانت بترتب فيها وبلغتها بأمر ام كريم والضيفة اللي جات معاها استغربت امي في البداية لكن بعدها غيرت عبايتها وخرجت لهم. ودخلت انا المطبخ اجهز عصير او اي حاجة اضايفهم بها وقبل ما اخرج بالصنية لقيت والدتي بتدخل بلهفة تقولي بت يا عاليا دي الست اللي جوا دي جايا تخطبك لابنها يا منيلة. نعم! ست مين ياما سألتها من غير تركيز لكنها عادت وأكدت من تاني وهي بتقرب عليا يا بت افهمي بقى أم كريم جايا وساحبة الولية دي معاها عشان تشوفك وشكلها كدة عجبتيها وهي عايزة تقعد معاكي تقعد معايا! تقعد معايا ازاي يعني بصراحة مكنتش مستريحة وحاسة ان الموضوع كدة جه خطڤ وقعدتي مع واحدة غريبة وانا مش فاهمة! كنت قلقانة بصراحة كنت قلقانة لكن امي اقنعتني ادخل اغير عبايتي ووضب نفسي رغم انها شافتني على طبيعتي من شوية لكن بقى اهي تحكمات وخلاص ودخلت بصنية العريس اسلم عليها من تاني لكنها كانت بتفصصني من شعر راسي اللي ظهر من الحجاب لحد الشبب اللي كنت لابساه في رجلي تحت واللي ركزت عليها بشكل مستفز ست غريبة. المهم كانت اثناء دا كله بتتكلم في عدة مواضيع واثناء ده ترمي اسئلتها ناحيتي. مخلصة تعليم ولا لسة يا عاليا الحمد لله انا واخدة معهد خدمة اجتماعية متوسط. وعلى كدة بقى عندك كام سنة يا عاليا. عندي خمسة وعشرين. خمسة وعشرين! رددتها ورايا بصوت خضني وحسسني ان قولتها تلاتين ولا أربعين لكن بعدها كملت تتكلم على ابنها انا ابني راضي بقى ست وعشرين وعلى اخر السنة دي هيكمل سبعة وعشرين يعني الفرق بينكم سنتين... يالا بقى مش مهم. اهم حاجة ألوفق وان ربنا يهديكم على بعض. ومالها بتقولها كدة واكنها بتتجمل عليا. قولتها في نفسي لكن طبعا مقدرتش اتكلم والست ام كريم تقول هي كمان دي عاليا دي زي بنتي ادب وأخلاق مبتشوفش الشارع ولا بتعتبوه ابوها صعب والخروج دايما عنده بحساب. اممم يا ما شاء الله . قالتها الست وامي كملت هي كمان بطيبتها اللي تشل اه والنبي يا ختي دي طول اليوم خدمة في البيت وشايلاني وشايلة اخواتها الشباب ربنا يحرسها حبيبة قلبي قطة مغمضة. لا يا ختي احنا مش عايزينها قطة مغمضة. قالتها فجأة الست خضت امي وخضتني معاها. ليه يا ست حمدية سألتها ام كريم والست ردت وهي مركزة عيونها عليا شوفي يا قمر مفيش حد ميحبش الأدب بس يا حبيبتي الواحدة لازم تبقى حركة ولونة مع جوزها القطة المغمضة دي مبقتش تنفع مع شباب اليومين دول خصوصا مع واحد زي ابني دا لف ودار وشاف بنات ياما يعني لازم تبقى عروسته لهلوبة وتلف عقله انا عايزاك تنسينه اهله تنسيه القديمة. .... نعم! خرجت الكلمة بسؤال مني ولكن الست مدتنيش الفرصة استفسر لأنها كانت بتشكر في ابنها وانه لسة صغير وشكله حلو زي ما بتقول وبيبلبس ع الموضة وهاتك يا رغي وبعدها فجأة لقيتها بتقول لأمي طب احنا كدة نجيب العريس عشان يشوف العروسة ويشوفها بقى يا حجة ومالو يا حبيبتي تأنسي وتشرفي بس استني اشوف الحج والدها يمكن يسأل. .. تسألي على مين يا ست ام عاليا دا احنا ناس اشهر من الڼار ع العلم في بلدنا اسالوا عننا براحتكم بس بقى يبقى السؤال بالمرة بعد ابني ما يجي ويشوفها وتشوفه اصله مسافر بكرة بقى... امي احرجت اوي من الست لدرجة انها بصت لجارتها عشان تساعدها واللي حاولت تدخل هي التانية بس بقى الست حمدية صممت انها تاخد ميعاد من امي عشان تيجي مع ابنها وامي اضطرت تهاودها في الاخر بس طبعا بعد ما تقول لابويا الحاجة الغريبة بقى هي ان الست بعد ما خدت غرضها بالموافقة لقيتها بتلفلي وشها قبل ما تخرج من باب البيت وبتسألني بقولك ايه يا قمر عايزاكي لما تحضري المقابلة ما تلبشيش طقم خروج احضري المقابلة بعباية بيتي نعم! طلب غريب من ست غريب والأغرب هو اقناع امي ليا انه طلب عادي وانا مش قادرة التدخل في حاجة زي دي يعني ايه يعني حد يتدخل في اللبس كمان المهم بقى اني وافقت ودا لعدة اسباب اهمها طبعا هو اني مطيعة وعمري ما اعترض على رأي تقوله والدتي والحاجة التانية هي اني حبيت ادي نفسي فرصة واشوف ايه أخرتها مش يمكن يكون كويس. بعد المغرب كان ميعاد العريس المنتظر بعد ابويا ما وافق بالعافية بعد الزن على دماغه من ناحية امي وتبرير ام كريم ان الموضوع مجرد تعارف. لبست انا عباية استقبال من شنطة الهدوم اللي شيلاهالي امي لجوازي مع اني مكنتش بالعة الأمر وظبت نفسي عشان ادخل للچماعة. دخلت اسلم عليهم كانت الست حمدية اول واحدة تاخد بالها فلقيتها بتستقبلني بالتهليل يا اهلا يا عروسة ابني يا اهلا يا قمر. حاولت مبينش ضيقي من الجملة السابق لأونها وقدمت اسلم عليها وعلى اخوه الكبير وبعدها سلمت عليه هو بكل كسوف لقيته بيبتسم بوش منور واضح من مظهره كدة انه مهتم ببشرته اوي دا غير اللبس الشبابي اللي ع الموضة لا صارف صارف بجد يعني. وبدأت القعدة شقيق العريس وهو بيتكلم بفخر عن عيلتهم وانهم يكلموا عمارت في بلدهم رغي في رغي ومجاملات ما بين العيلتين وكل ده وانا ساكتة وملاحظة نظرات العريس الجريئة ليا لدرجة اني مكنتش بقدر ارفع عيني ناحيته لحد اما بدأ بقى الحديث الجد. احنا ناس شارين يا حج وكل اللي تؤمر بيه عروستنا مجاب مش هنقصها عن اللي قبلها بشيء. هو انا سمعت غلط ولا هو يقصد مين بقبلها دي الكلام ده قولته في نفسي قبل ما والدي يسأله هو العريس كان متجوز قبل كدة وماله لما يبقى متجوز قبل كدة وحش بقى ولا نقص منه حتى يا ست الحجة محدش قال حاجة وحشة احنا لازم نسأل. جراءة الست في الرد على ابويا بصراحة كان مفاجأة ليا قبل ما يفاجئني العريس هو كمان انا راجل مقتدر واقدر افتح بدل البيت اتنين وتلاتة. ايوة امال ايه اخويا راضي بيملك محل عطارة لوحده دا غير العمارات الملك اللي ورثها معايا من ابويا الله يرحمه . حقة يا ابو العروسة بنتك لو وافقت على ابني حايبقى باضت لها في القفص . يا حجة احنا بنشتري راجل وما يهمناش الفلوس . واحنا ابننا سيد الرجالة . كل دا وانا قاعدة ساكتة شايفة العريس المتأنتك باللبس الشبابي وتسريحة الشعر اللي موقفه بالجل على دماغه . . وشكل عمره مايزيديش عن ٢٧ ولا ٢٨ ومع ذلك ليه سابقة في الجواز حسب ما سمعت من والدته. ها ياعروسة مش ناوية تتكلمي بقى وتقولي رأيك رأيي في إيه ياحجة مش لما افهم الاول . تفهمي إيه ياعروسة اخوك يا عريس قال إن سبقلك الجواز ممكن اعرف كان في اولاد كمان ولا لأ طبعا في . .بنتي نور وبنتي سما . نعم!! انتي مخلف بنتين وفيها إيه بقى لما يبقى عندي بنتين واتجوز هي حاجة عيب ولا حرام لا مش عيب ولا حرام بس يعني العشرة بينك وبين والدتهم ما تشفعش انكم تتحملوا بعض عشان تربوا البنتين. في إيه يا عروسة مالك بتقفليها في وشي كدة ليه اناعمري ما هظلم والدتهم وانا مش راجل ناقص عشان اقول عنها كلام وحش. راجل يا بني اللي يزم فى مراته اللي كل معاها عيش وملح مايبقاش راجل . طيب ما تقول لبنتك بقى يا حج وخليها تعرف ان احنا ما بنظلمش حد وان كان على مرات ابني فهي هاتاخد حقها تالت ومتلت والبنات انا هربيهم بنفسي ومش هاسيبهم لحد غريب يربيهم إيه دا إيه ده انا ليه حاسة ان في حاجة غلط وشكل الولية دي اللي بتتكلم بالعين والحاجب مش مريحني طيب ممكن سؤال ياعريس . نعم يا عروسة إنتي تؤمري هو انت مطلق مراتك ولا لسة هاتطلقها عشان افهم بس . دا يعتمد عليكي انتي يا عروسة واللي تقولي عليه انا موافق يابن ال...... قصده إيه ده إني اطلب بنفسي طلاق الست ام بناته ولا اقبل اني ابقى ضرتها لاااا ما بدهاش بقى انا قايمة . رايحة فين ياعروسة طبعا مردتيش وخرجت على طول من القعدة الزفت دي بس طبعا والدتي ما سكتتش اول ما حكتلها وبهدلتني تقطيم عشان اقبل بالعريس المقتدر والصغير في السن بس انا دماغي ماكنتش مستوعبة وماقدراش اقبل بوضع حساه مش مظبوط اقبل بالجواز على حساب خړاب بيت واحدة انا لسة معرفهاش ولا اعمل اللي يمليه عليا ضميري واقبل بيها ضرة بس دي حاجة صعبة اوي ومش أي واحدة تقدر عليها. في الليلة دي كنت مخڼوقة بجد وفضلت سهرانة مش قادرة انام ابويا مرداش يتكلم ولا يدي رأي ووالدتي بتزن عليا وتقول ان العريس فرصة طب ازاي انا مش قادرة استوعب جملته بتاعة ان الأمر في ايدي دي والقصد اللي وراها ايه بالظبط لما زهقت قوي خدت بعضي وطلعت ع البلكونة اشم هو بالليل الغريب بقى هو لما شوفت النور من شباك جارتنا ام كريم اللي كان مفتوح ستاريره ومقفول بس ع القزاز وظهر قدامي ابنها كريم نفسه اللي كان مسافر بقاله شهور وهو پيتخانق معاها كان واضح قوي الموضوع من طريقته الحادة في الكلام وهو واقفة وساكتة مبترودش رغم اني مكنتش سامعة حاجة منهم بصراحة استغربت قوي. دا امتى رجع من السفر وامتى لحق يتخانق مع والدته راجعت نفسي وغلطها عشان بحشر نفسي في اللي ماليش او يمكن كان ليا فيه لما كان عندي امل في الاستاذ كريم اللي كان دايما يوهمني بنظراته انه مهتم او بيحبني قبل ما يسافر ويقول وهدولي يالا بقى اروح احاول تاني في النوم يمكن يحصل المرة دي واربح مخي شوية بقى من التفكير المستمر تاني يوم كانت الخناقة الكبيرة مع والدتي لما بلغتها برأيي يعني ايه يا ختي مش موافقة بقى سمعيني تاني يا غالية. ياما حاسة ان الموضوع دا في ان الست دي غريبة وحكاية ان الامر في ايدي دي اغرب ازاي يعني عايزني اطلب منه يطلق مراته ما هو لو عايز يطلقها يستناني انا ليه عشان اقوله بيرمي ليه الكورة في حجري ومين قالك انه عايز مش يمكن عايز يضمكم مع بعض على زمته وابقى زوجة تانية ياما ومالها يا ختى الزوجة التانية يعني لما تبقي مرات راجل مرتاح ولا تبقي زوجة راجل مفلس ولا فقري يقعد على قلبك ويطفشك في عيشتك. لا دا ولا دا يعني هو مفيش غير النوعين دول لو فقري وراجل كويس هعترض انا بقى على رزق ربنا مثلا طب والشكل والسن ما خدتيش بالك منها دي دا سابعة وعشرين سنة واللي يشوفه يقول اصغر من كدة كمان . اديكي قولتيها بنفسك سبعة وعشرين سنة يا ناس امتى لحق يتجوز ويخلفهم دول قولي لنفسك يا اختي عشان تتأكدي يا ختي ان كلامه لما قالك انه راجل مقتدر مكانش بيكدب ولا بيلهفط من مخه.... اعقلي وفكري كويس يا عاليا الفرص يا حبيبتي ما بتكررش كتير مش كل يوم هجيلك راجل غني وفيه المواصفات دي يا بت الفقرية. بصراحة كلامها اثر فيا وزاد من حيرتي امبارح قبل ما انام كنت مقررة وحاسمة امري لكن دلوقتي رجعت لخانة الصفر من تاني طب اعمل ايه دلوقتي رجعت اعصر دماغي من تاني وادخل دوامة التفكير في الفرصة او الخۏف من ضياعها خصوصا وانا شايفة ظروف الكتير من قرايبي البنات اللي اتجوزوا وخـ,ـاب املهم واللي قاعدين في انتظار الفرصة والعمر بيجري بيهم. بعدها بكام ساعة طلبني ابويا وسألني ها يا عاليا رأيك ايه ............... يا بنت ساكتة ليه ما ترودي انا بسألك ارد اقول ايه بس يا والدي ما انا مش عارفة. مش عارفة ايه بالظبط ليكي غاية للعريس ولا حاسة الموضوع مش عاجبك وميعجبهاش ليه بقى هي هتلاقي عريس يجي زيه يعني اسكتي يا ست انتي انا بسأل بنتي قولي وميهمكيش من رأي امك. ............ يا بت ما ترودي هو انتي بالعة سد الحنك وبطلي تبصي لأمك عشان مش هي اللي هتتجوز افهمي بقى. كنت متوترة جدا وقلق بينهش في دماغي لا انا قادرة أرفض واقول رأي بحرية ولا انا قادرة كمان اوافق على أمر مش عاجبني في الاخر اضطريت اقوم بعد ما طلبت من ابويا فرصة تاني في التفكير واخدت ليلة من الحيرة تاني بس انا المرة دي سيبت اتكالي على ربنا وصليت استخارة عشان يدلني وهو بقى عليه التدبير بعد ما نهيت الصلاة وادعيت فيها من قلبي لقيت رجلي بتاخدني على البلكونة من تاني عيني التقت على الفور بجارنا اللي كان مسافر ورجع امبارح كريم ابن ام كريم صاحبة امي. كان واقف في البلكونة واكنه كان مستنيني بس انا زحت عيوني عنه ومرضيتش ابصله ولا حتى ارجع من تاني رغم عقلي كان بيوزني على كدة ما هو انا عندي كرامة ومش هفضل طول عمري كدة معلقة نفسي بالحبال الدايبة مع صاحبنا ده اللي طول عمره يفضل يبصلي وهو ساكت ولا عمره اتقدم بخطوة ولا عمل حاجة تخليني احس انه عايزني وآخرها سافر وقال عدولي بقالوا شهور . فضل يبصلي وعينبه مش شايلها عني وانا احاول اعمل نفسي مش واخدة بالي لكن بصراحة ما كنتش مرتاحة من الوضع الغريب ده في البداية ظنيت انه اشتقالي ولت عايز يكلمني لكن لما افتكرت ان امه هي السبب في الحيرة اللي واكلة راسي بالعريس اللي جابته الډم غلي في عروقي ورحت واخدة بعضي وراجعة لأوضتي بلا ابن الجيران بلا حب بلا كلام فارغ. في اليوم التاني صحيت وانا متلخبطة اكتر نت اليوم اللي قابله كنت فاكرة اني لما اصلي هحلم بحاجة تدلني ان كان كابوس يبقى شړ وان كان حلم جميل يبقى بشړة خير واقول لابويا اني موافقة لكن كدة انام واصحى على مفيش ياربي اعمل ايه بس قاعدة ليه يا بت مكانك ع الكنبة عاجبك اوي يا ختي شكل الحيطان في الصالة قومي فزي يا بت وساعديني نحضر السفرة ابوكي زمانه على وصول ليه ياما هو ابويا مرحش الشغل النهاردة لا يا ختي مرحش وخرج من شوية وقالي حضرلي الفطار على ما ارجع من مشوار مهم . مشوار ايه دا مقالكيش عنه ياما مقالش يا عاليا وقومي يالا حضري الفطار. امي بتكلمني وهي بتجيب الاطباق من المطبخ وتحطها ع السفرة من غير ما تحط عينها في عيني انا ليه حساها متغيرة ولا انا يتهيألي وبرسم اوهام من دماغي اللي تعبانة اساسا من التفكير. المهم بقى هو اني قومت فعلا وروحت حضرت معاها الأكل اللي حطيناه ع السفرة في انتظار ابويا اللي وصل بعد ربع ساعة كنت انا فيها اتوضيت وصليت الصبح. وبعدها خرجت وقعدت مع والدتي على طرببزة السفرة ننتظر والدي اللي اتصل وقال داخل الشارع خلاص. فتحت ساعتها الكلام. هي يا محروسة قررتي ايه قررت ايه في ايه. ايه يا ختي فقدتي الذاكرة بسألك عن موضوعنا ولا انتي نسيتي لا ياما متنسيتش انا بس ما كنتش مركزة واديكي ركزتي رسيني على ايه ........... انتي برضوا هتسكتي معايا انا كمان زي ما عملتي مع ابوكي طب واعمل ايه بس ياما ما هو انا متلخبطة ومش عارفة ارسى على حل تاني برضوا يا عاليا مش عارفة ما ترسي على حل يا بنتي وخلصيني يا اه يا لا . انتي برضوا هتسكتي معايا انا كمان زي ما عملتي مع ابوكي طب واعمل ايه بس ياما ما هو انا متلخبطة ومش عارفة ارسى على حل تاني برضوا يا عاليا مش عارفة ما ترسي على حل يا بنتي وخلصيني يا اه يا لا ... اووف استغفر الله العظيم يارب. مالك يا ماما بتفخي ليه عشان مخڼوقة انتي مش محددة قرار وابوكي مشمرسيني على رأيه وخالتك ام كريم مختفية وكل ما اسأل يقولوا مش موجودة مش فاهمة انا في ايه بيحصل ما هي يمكن مشغولة مع ابنها يا ماما ما هو رجع من السفر. وافرضي ابنها رجع من السفر كل دا مشغولة معاه انا ليه حاسة ان في حاجة مش مظبوطة حاجة ايه قولتها بقلق حقيقي قبل ما اتفاجأ بابويا اللي دخل علينا بعد ما فتح بمفتاحه صباح الخير. صباح النور انا رديت بالتحية وامي مقدرتش تستني وراحت سائلاه على طول بلهفة كنت فين يا راجل كدة تختفي ومحدش يعرفك روحت فين . رد عليها ابويا وهو بيقعد جمبنا على طرابيزة السفرة روحت عملت اللي كان لازم اعمله فورا من اول امبارح.... انا روحت واتصلت بعريس الغفلة وبلغته رفضي. يا مصېبتي. خرجت من امي بشهقة خضتني وهي بټضـ,ـرب على صدرها ونقول ليه يا عبده مش كنت تستنى لما تاخد رأي البت ايه اللي خلاك تتصرف كدة من نفسك من غير حتى ما تاخد شورة امها وايه فايدة اني اخد شورتك وانا من الاول رافض أساسا خرجت انا عن صمتي عشان اسأله مندهشة انت ليه رفضت يا والدي دا انا طول القعدة معاهم شايفاك راضي وما بنش عليك الاعتراض خالص انا فعلا معترضتش يا عاليا دا غير اني كنت فعلا متوسم في الموضوع خير بس بعد ما سمعت كلامه المزوق فهمت لوحدي لكن برضوا صبرت وقولت اني لازم اتأكد عشان موقفش الحال وجاريت التلاتة في كلامهم لكن بعد كدة بقى بعت اللي يسأل ويطقس عنهم في بلدهم هما مكدبوش في حكاية ان عندهم عمارات وحالتهم وحلاوتهم حلوة بس الواد ابن ال. .... مراته عند اهلها بعد مشكلة كبيرة حصلت مع والدته مخلينها زي البيت الوقف لا هما مطلقينها ولا هما مدينها حقوقها الولية المفترية جايبه ابنها الدغف مع اخوه عشان تجوزه وتكسر مراته وتذلها. يا نهار اسود ايه اللي انت بتقوله دا يا عبده بقولك اللي فهمته يا اختي دا الرجل اللي سألته يبقى واحد معرفة وابن اصول جابلي الوضع ع الطبيعة عشان احدد انا مع نفسي وقالهالي كدة واضحة البت مراته غلبانة لكن حماتها هي اللي عقربة وكارهة البت وما صدقت المشكلة دي حصلت عشان تجوز ابنها وتقـ,ـهرها اعوذ بالله. خرجت مني وانا قرفانة من مجرد التخيل معقولة انا كنت هشارك في المصېبة دي اتجوز واحد عشان اقهر مراته يا ساتر يا رب دا بير غويط وربنا نجاني منه امي سكتت وظهر على وشها التأثر بس مكتش راضية تبين وابويا سألها ها يا ام عاليا ايه ردك في اللي اتقال يعني هقول ايه يعني انتي شايفة صح اعمله وبنتا ربنا يعوض عليها. ان شاء الله يعوض عليها سامعة يا عاليا ربنا يرزقك يا بنتي باللي احسن منه احنا ناس منحبش الظلم يا بتتي اللي منقبلوش عليكي منقبلوش على بنات الناس . انا سمعت كدة من ابويا ومن غير ما أشعر رميت نفسي في حضڼ والدي وانا بشكره من قلبي انه وفر عليا تعب كتير اوي بتفهمه ده . وبشكر ربنا انه رزقنى بوالدي ..سند ليا يااه دا وفر عليا هم كبير اوي بعدها لكن بعد كدة بكام يوم ظهرت اخيرا خالتي ام كريم جارتنا وجات زارتنا في البيت امي كالعادة استقبلتها بعتاب الأحباب عشان الايام اللي غابتها عنها وكمان الظرف ازاي يعني تسيبها ومتسألش في حاجة زي دي لكن الست كان واضح قوي عليها الزعل مش فاهمة ليه حتى نظراتها ليا كانت غريبة وبرضوا معرفش ليه بقى كدة يا ولية يا قليلة الأصل تختفي وتقولي عدولي جيبتي العريس وامه ومقدرتيش تسألي وتعرفي اللي حصل هي دي عشرتنا برضوا يا ام كريم معلش يا ختي سامحيني كان ڠصب عني والله. عشان ابنك يعني ما رجع من السفر حتى لو كان برضوا كان لازم تسألي دي حتى من طرفك. والله ما من طرفي ولا اعرف حتى والدته دي واحدة دلتها على بنتكم وجابتها عندي بصفتي جارتك وصاحبتك عشان ادخل معاها صدقوني يا ناس والله دا كل اللي حصل. الله يا وليه انتي في إيههو انتي هتعيطي دول مكانوش كلمتين دول فكيت بيهم نفسي معاكي. قالتها امي للست متفاجئة من حرقتها في الكلام زي انا كمان وهي اتمالكت نفسها شوية وبعدها قالت معلش يا ختي انا بس كنت مخڼوقة لوحدي بس هو على كدة يعني الخطوبة تمت لا يا ستي متمتش. والنبي صح الخطوبة متمتش يعني عاليا موافقتش ع العريس الغني لا يا ختي موافقتش ع العريس الغني ما لك يا ست انتي فرحانة كدة ليه لهو العريس مكانش عاجبك انتي كمان ايوة مكانش عاجبني عاليا تستاهل سيد سيده واللي أحسن منه كمان. قالتها وهي بتبص عليا بابتسامة مش مفهومة امي علقت على كلامها اديها يا ختي قاعدة لما نشوف بقى اللي هيجي أحسن منه ولا هتندم ونقول فرصة وراحت . قالتها امي وكانها بتقطمني لكن خالتي ام كريم نقلت تبصلي من تاني وكلامها ظهر وكأنه تلميح صريح مش هتسننى ولا هتقعد فرصتها موجودة وعربسها كمان موجود بس هي تقول اه. عند الأخيرة وامي انتبهت ع الكلام راحت باصالي عشان تطلب مني بت يا عاليا روحي اعمليلنا كوبايتين شاي انا وخالتك ام كريم قومي يا بت دماغي مصدعة. ماشي ياما عن اذنكم. قومت ع المطبخ وسيبتهم بس من جوايا كان نفسي اكمل القعدة واشوف اخر الكلام وخالتي ام كريم قصدها ايه حتى وانا في المطبخ كنت بحاول ارمي ودني لكن الصوت كان وقتها مكتوم بشكل غريب وبحير دا لأن في العادة كدة صوت امي اساسا عالي في بيتنا وجلسنا مع صاحبتها بتبقى ملعلة بأصوات ضحكهم ومناكفتهم في بعض طول الوقت لكن يبقى واطي وبالشكل ده اهي دي بقى عمرها ما حصلت غير النهاردة! هي قالتلك كدة ياما كريم كان بيحبني انا طب ازاي دا ساب البلد وقال عدولي يعني لو عايزني صح كان ع الأقل لمح ولا هو كان ضامن ان هفضل مستنياه. يا بت ما هي امه قالت ع الحكاية دي وضحتلي ان اللي كان مانعه هو ظروف والده لما كان تعبان وهلكهم في الجري ع الدكاترا والمستشفيات حتى قرار السفر اتخذه مخصوص عشان يقدر يحوش حق جوازه منك دي امه هي اللي قالت كدة. اه امه! دي اللي جابتلي العريس الو بنتين عشان تجوزني وتخلص مني انتي مصدقة الكلام ده ياما يا بت افهمي وميبقاش ظنك سيء الولية مكنتش تعرف بالكلام ده غير بعد هو ما رجع من السفر على مشمه لما سمع بأمر الخطوبة دي بتقولي انه طين عيشتها اول ما رجع اتاريه كان متابع كل اخبارك يا حلوة! معقول! هو الكلام دا بجد صح ولا انا بنسج من خيالي اوهام دي بتقول انه بيحبني! وكمان كان متابع اخباري! معقول! انا طول عمري حاسة بكدة من ناحنيه بس كتر السكات وطول المدة خلاني ازهق واكدب كل دا في نفسي وحتى وامي بتحاول تقنعني دلوقتي انا كنت بجادل بتشكيك في الأمر لاني بصراحة مش مصدقة. تعبتي قلبي معاكي يا عاليا هو انتي لدرجادي مش طريقته. مش طايقاه! مين قالك اني مش طايقاه كلامك ده يا بنتي جيبي من الاخر كدة وقولي رأيك ايه عاجبك كريم ولا مش عاجبك يا نهار ابيض دي بتسأل طب اقولها ايه دي دا انا هاين عليا ازغرط وبعدين يا عاليا هفضل كدة مستنية كتير وتستني ليه بقى يا ماما انا اساسا مليش راي في الموضوع ده الرأي راي بابا. يا حلاوة يا اختي يعني سيبني الأمر في ايد ابوكي طب ماشي يا عاليا اما نشوف بقى اخرتها ايه أكيد خير طبعا لأن هو ده الصح ابويا كان سندي في الاول وأكيد هيبقى سندي في الاخر كنت فرحانة لا مش فرحانة وبس دي كلمة قليلة اوي على اللي كنت حاسة بيه انك تحلم وتحب وتعيش على امل ان الحلم ده يتحقق وبعدها تفقد الامل ده وتيأس من تحقيقه دا شيء صعب اوي بس ان تحصى المعجزة وفجأة تلمس حلمك وهو بيتحقق قدامك دي حاجة ولا اروع دا بجد اللي انا كنت حاسة بيه وكريم مع والدته واخواته جوا بيتفاهموا مع ابويا في اوضة الصالون وانا واقفة ورا العمود براقب كل كلمة تتقال وكل رد فعل وانا قلبي بيرقص من الفرحة في انتظار اللحظة الحاسمة ما انا ما قولتلكمش بقى اصل ابويا بعد ما عرف بالموضوع متصرفش كدة زي بقية الابهات وقبل على طول لا دا صمم انه يتقابل مع كريم ع القهوة لوحدهم برا بيتهم وبيتنا على الرغم من كل المحبة اللي بيكنهاله بصفته جارنا وابن صاحبة والدتي لكن دا مشفعش عنه انه يوافق من غير تدقيق في الموافقة ع الجواز من بنته. مكدبش عليكم انا في يوميها كنت بمۏت حرفيا من الخۏف لابويا ميعجبهوش الأمر ويرفضوا زي اللي قبله بعد ما خليت القرار في إيده اينعم انا راسمة التقل قدامهم وان الأمر مش هاممني لكن وربنا ھمـ,ـوت عشان اتجوزه. مكدبش عليكم انا في يوميها كنت بمۏت حرفيا من الخۏف لابويا ميعجبهوش الأمر ويرفضوا زي اللي قبله بعد ما خليت القرار في إيده اينعم انا راسمة التقل قدامهم وان الأمر مش هاممني لكن وربنا ھمـ,ـوت عشان اتجوزه. في اللية دي قعدت سهرانة لبعد الساعة اتناشر لدرجة انه هو اتخض وهو راجع من برا لما شافني في صالة البيت عاملة نفسي بتفرج ع التليفزيون. عاليا انتي لسة صاحية يا بنتي ها نعم يا والدي بتنده عليا بنده ايه يا بنتي انا بسألك صاحية ليه لحد دلوقت. يعني هكون صاحية بس يا والدي الفيلم حلو وانا بصراحة مقدرتش اسيبه لكن انت بقى اللي متأخر يا سي بابا . قولتها بمكر الانثى وهو ضحك بعلو صوته قبل ما يجي يقعد جمبي ع الكنبة ويقولي يعني انتي معرفاش انا كنت فين يا عاليا ولا امك قالتلك. امي انا تقولي! ابدا يا والدي أبدا. كمل بضحكة اعلى من اللي قبلها يقولي اتعملتي الخبث كمان يا عاليا ماشي يا ستي نعديها دي وخلينا في المهم ايه هو المهم دا يا والدي اقعدي وانا اقولك. قعدت وعملت نفسي مؤدبة وسوقت العبط وانا بسمعه انا كنت مع كريم ع القهوة من شوية تقصد مين يا والدي قصدك كريم ابن الجيران ايوة يا ختي هو ابن الجيران كريم ابن ام كريم. .......... سكتي دلوقتي وبان عليكي الكسوف ............. طب مش عايزة تعرفي انا رديت بإيه اللي تقول عليه انا موافقة يا والدي يعني لو قولتك اني رفضت هترضي .......... المرة دي مكانش كسوف لا دا كان حاجة تانية مختلفة خالص نستني شكلي قدام ابويا ونستني الدور اللي رسماه عليهم وانا ببصلوا بوش مخطۏف ومنتظرة توضيح وهو فضل كدة لشوية مش قليلين يبصلي بوش جامد ملوش اي ملامح تعبر غير بس هي عيونه اللي فضحته قبل يفرد بضحكة ملعلة ويقولي لدرجادي انتي اټخضيتي يا بت امال كنتي راسمة فيها الدور ليه هههههه. انا اتغاظت اوي ووشي جاب مية لون لدرجة اني كنت هقوم عشان معيطش قدامه لكنه شدني وقعدتي من تاني ياخدني في وصوته يردد جمب وداني كريم راجل ونعم الرجال انا قابلته ومردتش اديلو الموافقة غير بعد ما اطمنت وقلبي ارتاح من كله حتى لو كنت اعرف اصله انا بردو مفرطتش في حتة مني غير لما اكون متأكد ان اللي هيأخدها هيصنها الف مبروك يا نور عيني ودي كانت أول مباركة ليا عشان بعدها تجري الاحداث بسرعة وتيجي اللحظة اللي بتتمناها اي بنت قراية الفتحة على اللي اختاره قلبي . عاليا يا عاليا تعالي يالا سلمي. دا كان صوت ام كريم او بالاصح حماتي بتندهني عشان ادخل واقعد معاهم كسفتني اوي قدامهم والعيون كلها بتبص عليا خصوصا عيونه هو لابس طقم ابيض وجميل بيبتسم لي بوش اللي نور رغم سماره حركت رجلي بالعافية وتقدمت ادخل عندهم بعد ما شديت امي من كمها عشان تأزرني ضحكت وهما ضحكوا معاها عشان تاخدني حماتي بالحضن وبعدها اسلم على قرايبه وخواته كلهم قبل ما ايده تسلم عليه ويقعدني ه الكرسي اللي جمبه وتنطلق الزغاريط حولينا من كل ناحية انا اضحك بكسوف وهو وشه ينور بزيادة والسماعات اشتغلت واخواتي الولاد بقوا يرقصوا مع اخواته ووالدتي ووالدتي معاهم استغل هو انشغالهم عننا عشان يقرب مني ويقولي فرحانة بيا زي ما انا فرحان بيكي يا عاليا. هزيت راسي بابتسامة ولاول مرة اتجرأ واقولها مبسوط كلمة قليلة انا قلبي هيوقف من الفرحة. بعد الشړ على قلبك انا بقى قلبي وقف صح ساعة ما سمعت ان كنتي هتتخطبي لحد غيري وكمان بآيد امي تصوري ساعتها كان يبقى احساسي ايه لكن روحي متردش غير بعد ما عرفت انك رفضتي. . ودلوقتي بقى وانا قاعد معاكي عارفة حاسس بأيه ايه انا دلوقتي طاير طاير من الفرحة يا عاليا. وانا اكتر اكتر والله. قولتها بلساني وقلبي كان بيرددها كمان هي دي بجد الفرحة تصورو لو مكانش ابويا رفض العريس وبقى ابن امه دلوقتي هو مكان كريم يعني كانت ضاعت فرصتي اللي بتمناها وابتليت بجوازة ما يعلم بيها الا ربنا حقيقي بجد انا بشكر ربنا انه رزقني بابويا الراجل الطيب اللي هناك ده وبيبصلي بحنانه واكنه بيقرا اللي في دماغي والله . ... تمت