طليقي ساكن معايا اماني السيد 3
“الدموع اتجمعت في عيني، بس كانت دموع نصر وفرحة واستحقاق. بصيت من الشباك اللي كنت بقف فيه زمان أبكي على وهم، شفت النور والهوا الصافي، وعرفت إن ربنا لما بياخد حاجة رخيصة من حياتنا، بيبقى بيجهزنا عشان يستقبل أثمن وأجمل حاجة ممكن نتمناها.
قلت له بصوت ثابت ومبتسم:ـ “يشرفنا وجودك يا آسر.. وبابا هيكون منتظرك.”قفلت مع آسر، وخرجت للصالة وأنا حاسة إن خطواتي طايرة في الهوا. بلغت بابا وماما باللي آسر قاله، ووش بابا اتملى بفخر وفرحة ما شفتهاش في عينيه من يوم طلاقي. لكن الأحداث مكنتش لسه كملت صورتها الأخيرة.
. لأن يوم زيارة آسر لبيتنا، كان هو اليوم اللي هيتكتب فيه السطر الأخير والنهائي لكل الماضي، وفي نفس الشارع اللي شهد على كل الانكسارات!جاء يوم الجمعة، اليوم المحدد لزيارة آسر وأهله لبيتنا. البيت كله كان مترتب بأجمل شكل، وريحة البخور مالية المكان، وبابا وماما كان الورد متفتح في وشوشهم من كثرة الفرحة، الفرحة بإن بنتك اللي اتكسرت في يوم من الأيام، حظها يتعدل مع راجل بجد يعرف قيمتها ويجي يطلبها من باب بيتها بكل عز وإكرام.
لبست فستان أنيق باللون الأزرق الملكي، ظبطت حجابي، ووقفت قدام المراية.. المرة دي مكنتش واقفة بأوهام ولا بخوف، كنت واقفة وأنا شايفة قدامي ست قوية، كرامتها مرفوعة، وعينيها مليانة ثقة ورضا. على الساعة خمسة، سمعنا صوت حركة في الشارع تحت العمارة. قربت بالراحة من شباك الصالة وبصيت..
وصلت عربية آسر وبجنبها عربية أسرته. نزل آسر ببدلته الأنيقة، وشايل في إيده بوكيه ورد أبيض ضخم وعلبة شيكولاتة فاخرة، ونزلت معاه والدته وأخته بابتسامات هادية وراقية. وفي نفس اللحظة دي بالظبط… تصادف مرور طليقي في الشارع!
كان ماشي بجلابية بيضا خفيفة، شكله مكسور تماماً، وشه باهت وجسمه الخاسس باين عليه الهم والقضايا والمشاكل اللي غرقت فيها عيلته بعد ما اتحبس كام يوم وخرج بكفالة عشان القضايا اللي رفعتها عليه خطيبته السابقة. وقفت عيني عليه وهو بيشوف آسر وهو طالع بطلته وثقته ورجولته من باب العمارة.
الأكثر قراءة الان
حكايات زهره الربيع 1
منذ 4 أيام
حكايات زهره الربيع 2
منذ 4 أيام
حكايات زهره الربيع 1
منذ يومين
طليقي اتجمد في مكانه في وسط الشارع، بص لبوكيه الورد، وبص للراجل اللي داخل بيتي يطلبني، وبعدين رفع رأسه بالصدفة ناحية الشباك..لمحني واقفة.. المرة دي ما أخدتش خطوة لورا، ولا اتداريت ورا الستارة، ولا كنت مستنية منه نظرة.
