اسد وملك الفصل السابع والثامن
ملك: فاهمة، فاهمة.
أسد: اتفضلي غيري هدومك.
ملك: بس أنا عايزة أكلم نرمين.
أسد بضيق: هو كل حاجة نرمين؟
ملك: هي بقت صحبتي، وعادي أكلمها.
أسد: مش دلوقتي، بكرة.
ملك بحزن: ماشي.
ملك غيرت هدومها وراحت نامت بهدوء، وأسَد قرب منها ونام هو كمان.
عند نرمين
كانت في العيادة بتقرأ ملف ملك علشان تساعدها في أقرب وقت.
نرمين خلصت ونزلت.
رن تلفون نرمين.
نرمين طلعت التلفون.
نرمين: ألو.
مامتها: إنتي فين؟ اتأخرتي أوي.
نرمين بحب: معلش، مخدتش بالي من الوقت. أنا هركب وأجي على طول.
نرمين كانت بتعدي الشارع ومشافتش العربية اللي جاية عليها.
العربية خبطتها.
نرمين وقعت على الأرض.
اللي كان سايق نزل بسرعة.
الشخص: إنتي كويسة؟
نرمين بوجع: آه، رجلي… إنت مش واخد بالك؟
الشخص: احترمي نفسك. إنتي كمان كنتي بتتكلمي في التلفون.
نرمين: أنا محترمة غصب عنك، وإنت اللي مش واخد بالك.
الشخص: خلاص، قولتلك آسف. عايزة كام ونخلص من الموضوع ده؟
نرمين وقفت بتعب: مش عايزة منك حاجة. إنت شخص غير مسؤول.
الشخص بعصبية: احترمي نفسك بدل ما أعلمك الأدب. ولو بتعملي كده علشان الفلوس، قولي عايزة كام.
نرمين ضربته على كتفه وقالت: الحركة دي علشان تتعلم تحترم نفسك.
