اسد وملك الفصل السابع والثامن
أسد: هفضل هنا، متخافيش.
الدكتورة دخلت هي وملك أوضة الكشف.
الدكتورة: أهلاً، أنا الدكتورة نرمين، وممكن تقوليلي يا نرمين عادي.
ملك بخوف: أهلاً.
نرمين بضحك: إنتي خايفة مني ليه؟
ملك: لا، مش خايفة. أنا بس عايزة أشوف أسد.
نرمين: حاضر، متخافيش.
الدكتورة خرجت وقالت: أستاذ أسد، المدام محتاجة تشوفك.
أسد دخل.
أسد: مالك يا ملك؟ في إيه؟
ملك: لا، أنا كنت عايزة أشوفك بس.
أسد: متخافيش، أنا قولتلك هفضل برا.
أسد خرج وفضلت ملك مع الدكتورة.
نرمين: هشام بيه قالي إنك كنتي عايشة مع تاتا، مش كده؟
ملك: أيوه.
نرمين جابت شوكولاتة ليها، وقالت: طب احكيلي عنها وعن صحابك.
ملك: أنا معنديش صحاب.
نرمين: طب إيه رأيك أكون صحبتك؟
ملك: بجد؟ عايزة تكوني صحبتي؟
نرمين: طبعاً.
نرمين وملك فضلوا يتكلموا في مواضيع بسيطة علشان ملك تاخد عليها.
بارت صغير كده
البارت الثامن
نرمين وملك فضلوا يتكلموا مع بعض كتير.
وبعد شوية خلصوا.
نرمين: إحنا كده خلصنا، بكرة بقى نكمل. مش إحنا خلاص أصحاب؟
ملك بفرحة: طبعاً. سلام.
ملك خرجت ولقت أسد قاعد بهدوء.
ملك: أنا خلصت.
أسد: يلا.
أسد أخذها ومشي.
ركبوا العربية وطلعوا على الفيلا.
ملك طول الطريق بتتكلم عن نرمين.
أسد بضيق: خلاص يا ملك.
ملك: أنا فرحانة أوي، بقى عندي صاحبة، وكمان قالتلي إن ممكن نخرج مع بعض ونجيب لبس كتير ونعمل حاجات كتير أوي.
أسد: لا، كل ده مش هيحصل. إنتي مش هتروحي أي حتة من غيري، إنتي فاهمة؟
ملك: بس هي قالتلي هنخرج بنات بس. هو إنت بنت؟
أسد: مــــلك…
ملك سكتت.
أول ما العربية وقفت، ملك نزلت بسرعة منها.
أسد نزل ودخل المكتب، وفضل غاضباً بسبب كلامها.
أسد: أنا السبب… هتبعد عني. خلاص هتلاقي غيري، وهتعمل زيها. مستحيل، مستحيل أخليها تعمل زيها. أنا السبب إني عرفتها.
صفية كانت واقفة برا وخايفة.
بعد شوية أسد خرج.
أسد: إنتي بتعملي إيه هنا؟
صفية بخوف: أنا سمعت بس…
أسد: خلاص، اسكتي. وإياكي تقفي كده تاني. أوعي تكوني فاكرة إني مش هعرف إنك موجودة حواليا ولا لأ. إنتي فاهمة؟
صفية بخوف: فاهمة يا باشا، فاهمة.
أسد طلع فوق ودخل الأوضة.
أسد: ملك.
ملك سكتت.
أسد كان حاسس إنها موجودة.
أسد بعصبية: ملك!
ملك بخوف: نعم.
أسد قرب منها وقال بحدة: أوعي تفتكري إني علشان بقيت أعاملك كويس إنك تعملي أي حاجة من غير إذني. لما أكلمك تردي، فاهمة؟
