شمسي يارا عبد السلام

_بلا ما بلا زفت هيبصلك ازاي وانتى شبه جعفر كدا وراسمه دور مش دورك يبنتي لازم تفهمي أن الراجل بيحب الست اللي بتهتم بنفسها واللى تدلع عليه واللى تهتم بيه امال أنا ربطت ابوكى ٢٠سنه ازاي بكدا..
شمس:بابا كان متجوزك وهوا مختارك لكن عز مختارنيش
_عادي نخليه يختارك
_ازاي
_لا دي عوزالها قاعده المهم اتعاملى معاه بمبدأ شوق ولا تدوق يعنى خليه يغير فاهمه..

شمس هزت راسها بغباء
_يلا يا اخرت صبري الواد قاعد برا..
الام كشرت وخرجت كان عز قاعد وهوا متوتر ولما الام خرجـ,ـت عز وقـ,ـف
الام بجديه:أنا موافقه ومش هقول لحد لما نشوف اخرتـ,ـها اي اللعبه دي …
شمس روحى هاتي شنطتك..
قربت من عز:أنا قبلت بلعبتك بس مش هقبل انك تكسر قلب بنتى اظن انت فاهم كدا كويس ..
عز هز رأسه يطمنها وشمس جت وخدها ومشيوا..
كان الصمت هوا اللي مسيطر على. العربيه الاتنـ,ـين مش بيتكلموا أو مش عاوزين يتكلموا …

وصلوا البيت وعز فتح باب الشقه واتصدم لما فتح النور وشاف أمه قاعده على الكنبه…
_ماما!!!
_مفاجأه يا حبيبي مش كدا أنا قولت انت مش بتـ,ـسال قولت اجى أنا اشرفكـ,ـوا شويه واقعد معاكوا …
عز يصلها بتوتر وبص لشمس اللي كانت مش فاهمه حاجه..

عز:تقعدي معانا ازاي مش فاهم انتى مش فاكره اخر مرة عملتى اي
فريال بخبث:يا حبيـ,ـبي منا لما قعدت مع نفـ,ـسي كدا قولت أن البت اميره دي متناسبكش وقولت بقى اجى اقعد مع مرات ابنى واخد عليها وتاخـ,ـد عليا دا بعد ما أنبت نفسي على اللي عملته معاها قولت يمكن يحصل بينا وفق ولا اي يا شوشو..
شمس بتوتر:ها اااه اااه يا طنـ,ـط تنوري طبعا البيت بيتك…
فريال:حاسه ان في حاجه يارب مكـ,ـنش تقيله عليكوا..

شمس:لا خالص انتى تنوري في اي وقت عن اذنكوا اخد الشنط بتاعتك احطها في الأوضه الي حضرتك هتقعدي فيـ,ـها
فريال:تسلمى يا مرات ابنى ..
شمس ابتسمت وخدت الشنط ودخلت كل دا تحت نظرات عز اللي مكنش فاهم تصرفات شمس …
عز :أنا مش فاهم اي اللى ورا الزياره دي بس ياريت ميكنش في اي غرض تاني يخلينا نخسر بعض للابد يا ماما..
سابها ودخل وفريال ابتسمت بخبث ودخلت ورا شمس…
شمس كانت بترتبلها حاجتها في الدولاب..
فريال:من الواضح انك شاطره في شغل البيت انتى كنتي بتشتغلى عند مين قبل كدا..