مرام كانت بنت عاديه

مرام وفؤاد اتقابلوا تاني بعد ما كل حاجة هديت قعدوا في كافيه على النيل وفؤاد قال لها انا مستعد استنى العمر كله لحد ما تقولي اه مرام قالت له انا مش هقول اه دلوقتي انا محتاجة اعرفك بجد مش عشر ثواني في المترو انا عاوزة اعرف فؤاد اللي بيحب ايه وبيكره ايه وبيحلم بايه

فؤاد وافق وقال لها انا هبدأ معاكي من الصفر كأننا لسه بنتعرف ونشوف النظرة دي هتودينا لفين وفعلا بدأوا يخرجوا كصحاب وكل يوم يكتشفوا حاجة جديدة في بعض ومرام بدأت تحبه بجد مش حب نظرة مترو بس حب عشرة وكلام ومواقف

وبعد سنة فؤاد اتقدم لمرام وابوها وافق ومليكة كانت اول واحدة تبارك لهم وقالت لهم ربنا يسعدكم انتم تستاهلوا بعض ومسك كانت بترقص في الفرح وتقول اخيرا بتوع المترو اتجوزوا والبوست اللي كان فيرال بقى ذكرى بتضحكهم كل ما يفتكروه

مرام كانت كل ما تركب المترو تفتكر اول نظرة وتضحك وتقول سبحان الله عشر ثواني غيرت حياتي كلها وعرفت منها ان الحب ممكن ييجي في لحظة بس اللي بيخليه يكمل هو العناد والصدق والصبر وانك تفضل تدور على اللي قلبك اختاره حتى لو كل الناس قالت لك انسى

واحمد صاحب فؤاد كان واقف معاهم في كل خطوة وكان بيقول لهم يا جدعان قصتكم دي تتعمل فيلم ومرام كانت بتقول له يا احمد انت اللي كنت بتقول ده وهم وطلع حقيقة ومسك كانت بترد وتقول الحب الحقيقي بيعرف طريقه حتى لو كان زحمة مترو والناس كلها بتجري

مرام اتعلمت ان العناد مش دايما وحش ساعات العناد هو اللي بيخليك توصل للي بتحبه وانها لما نزلت ورا واحد غريب في محطة السادات كانت مجنونة بس الجنون ده هو اللي جاب لها السعادة

وفؤاد اتعلم انه مينفعش يهرب من احساسه وان النظرة اللي حاول ينساها فضلت وراه لحد ما واجهها وان الهروب عمره ما كان حل وان الحب محتاج شجاعة عشان تواجه بيه الدنيا كلها

والمترو لسه زحمة كل يوم وناس كتير بتركب وتنزل ونظرات كتير بتتقابل بس مش كل نظرة بتكمل ومش كل قصة بتنجح بس قصتهم نجحت عشان هما الاتنين عندوا وحاربوا عشانها لحد اخر لحظة وما استسلموش ابدا

مليكة كمان لقيت حب جديد بعدها بفترة مع واحد اسمه عبدالمنعم كان زميلها في الشغل وكان بيحبها من زمان ولما عرف انها فسخت خطوبتها جه واعترف لها وهي وافقت

وفي الاخر كلهم بقوا صحاب وبيخرجوا مع بعض وبيضحكوا على اللي حصل ومرام كل ما تشوف مترو معدي تقول لفؤاد فاكر اول مرة شفتك هنا يقول لها فاكر وعمري ما هنسى العشر ثواني اللي غيرت عمري كله بجد من قلبي جدا