طليقي ساكن معايا اماني السيد 2

أول ما طلعت ووقفت جنب بابا، اتفاجئ بوجودي. النظرة اللي كانت في عينيه مكنتش النظرة الفوقية بتاعة المول، كانت نظرة ارتباك حقيقي، وكأنه مكنش عامل حسابه إني هقف قدامه بثبات ووشي خالٍ تمامًا من أي تعبير ضعف. بص لي مسافة ثواني، وبعدين حاول يبتسم ابتسامة هادية عشان يمتص التوتر، ورفع الورق اللي في إيده وقال:ـ “كويس إنك خرجتي يا أميرة.. أنا جاي عشان في موضوع قانوني ولازم نحله بيننا بالود، مش حابب ندخل في محاكم وقضايا ملهاش لازمة. “بابا كان هيتكلم وينهرُه ويطرده، لكن حطيت إيدي على ذراع بابا بهدوء وقلت له: “سيبه يتكلم يا بابا، لما نشوف جاي يقول إيه.”طليقي أخد نفس وطبّق الورق في إيده وقال بصوت واثق:ـ “الورق ده هو المؤخر وشوية التزامات مالية متأخرة عليا من وقت الطلاق، والشارع كله عارف إنك رافعة قضايا، أو على الأقل أهلك بيمهدوا لده. الأكثر قراءة الان حكايات زهره الربيع 1 منذ 4 أيام حكايات زهره الربيع 2 منذ 4 أيام حكايات زهره الربيع 1 منذ يومين أنا جاي أعرض عليكِ نتنازل عن القضايا دي ودياً، وأنا هديكي مبلغ مقطوع ونقفل الصفحة دي خالص.. عشان أنا مش فاضي للمحاكم، وميرنا وأهلها مش حابين ندخل في مشاكل وبنتجهز للفرح.”سكت ثواني وهو بيتأمل رد فعلي، ومستني ينزل عليا نفس الذهول والوجع بتاع اليوم إياه. كمل كلامه بنبرة حادة فيها نبرة تهديد مستترة:ـ “وطبعًا، ده هيكون مقابل إنك تتعهدي إنك تبطلي تمشي ورايا أو تحاولي تتعرضي لي أو لخطيبتي في أي مكان.. أنا مراعي إنك كنتِ متعلقة بيا، بس خلاص يا أميرة، كل شيء انتهى، ولازم تعيشي حياتك وتبعدي عن طريقي تمامًا. “الكلمات خرجت من بوقه زي السم، بس المرة دي المادة السامة مقتلتنيش.. المرة دي صحّت جوايا حاجة كانت ميتة من زمان. بصلت له من فوق لتحت. مكنتش شايفه الراجل اللي بكيت عليه بالساعات، ولا الراجل اللي كنت بقف في البلكونة أظبط هدومي عشان يلمحني. كنت شايفه على حقيقته: إنسان صغير أوي، خايف على منظره قدام خطيبته الجديدة وأهلها، وجاي لحد باب بيتي يساومني على حقوقي المالية عشان يضمن إن سمعته متتهزش قدامهم. أخدت نفس عميق، وابتسمت ابتسامة هادية أوي، من النوع اللي يجنن اللي قدامك، وقلت بصوت واثق، ثابت، ومسموع في الشارع كله:ـ “خلصت كلامك؟ “ارتبك وهز رأسه باستغراب وقال: “أيوا.. أظن الكلام واضح.”رديت ببرود تام:ـ “أولاً، الورق اللي في إيدك ده تبُله وتشرب ميته. حقوقي القانونية الشرعية والمؤخر بتاع المحكمة هيجيبهولي لحد عندي بالقانون، مش بقرشين جاي تدفعهم عشان تشتري بيهِم سكوتي أو كرامتي.”عينيه اتوسعت من الصدمة، ومكنش متوقع الرد ده. كملت أنا بنفس الهدوء والصلابة:ـ “ثانياً.. بالنسبة لموضوع إني بلف وراك وبجري وراك في الشوارع، فحابّة أوضح لك حاجة صغيرة أوي ربما تفيدك في حياتك الجديدة.. أنا فعلاً في الأول كنت مخدوعة فيك، وكنت فاكرة إن بيننا عشرة وأصل يخلوا البني آدم يحزن على بيته اللي اتهد. لكن الشارع اللي أنت فاكر إني كنت بنزل فيه عشانك، هو نفس الشارع اللي ساكن فيه أهلي اللي أظرف وأرجل منك بكتير، والمول اللي شفتك فيه، كنت نازلة أشتري حاجات لنفسي، وأنت اللي تصادف وجودك فيه. قربت خطوة واحدة ناحية الباب، وعيني في عينيه مباشرة من غير ما أرمش:ـ “أنت اتخيلت إنك لما تقف وتستعرض بخطيبتك قدام الناس وتتهمني إني بلاحقك، إنك كده كسبت أو كسرتني.. بس الحقيقة يا فلان، إنك في اللحظة دي أهديتني أكبر خدمة في حياتي. أنت رفعت الغشاوة عن عيني، وعرفتني قد إيه ربنا كان رحيم بيا لما طلعك من حياتي. أنت مش بس شخص مابتتحبش، أنت شخص يصعب على الواحدة حتى تحترمه.”وشه اتغير تمامًا، الدم هرب من ملامحه، وأصابعه بدأت تترعش وهو ماسك الورق. حاول يسترد هيبته وقال بصوت طالع بالعافية:ـ “أنتِ بتقولي إيه؟ أنتِ نسيتي نفسك ولا إيه يا أميرة؟”بابا في اللحظة دي اتدخل، وحط إيده على كتفي وهو حاسس بالفخر، وقال بصوت هز العمارة كلها:ـ “هي قالت كل اللي عندها وزيادة.. والبيت ده مابيدخلوش ناس صغار. الأكثر قراءة الان حكايات زهره الربيع 1 منذ 4 أيام حكايات زهره الربيع 2 منذ 4 أيام حكايات زهره الربيع 1 منذ يومين حقوق بنتي القاضي هو اللي هيحكم فيها، ورجلك مأشوفهاش في الشارع ده تاني، لا أنت ولا أشكالك، اتفضل من غير مطرود!”طليقي بصلنا وهو مش مصدق التحول اللي حصل. الإنسانة الضعيفة اللي كانت بتبص له باستعطاف في المول راحت، وحل مكانها واحدة تانية خالص، مش شايفاه أصلاً. بص لي أخر بصة وهو بيحاول يجمع بقايا غروره وقال: “بكرة تندمي يا أميرة لما تلاقيني اتجوزت وعايش حياتي وأنتِ قاعدة هنا.”رديت عليه بآخر جملة قبل ما ألف وشي:ـ “الندم الوحيد اللي جوايا هو على الأيام اللي ضيعتها بفكّر في واحد زيك. . ياريت تاخد خطيبتك وتتوكل على الله، عشان المشهد بقى رخيص أوي بالنسبة لي.”بابا قفل الباب في وشُه بصوت قعد يرن في الصالة. أول ما الباب اتقفل، حسيت بحاجة غريبة أوي جوة صدري.. مكنش وجع، ومكنش دموع. كان شعور بالحرية والتنفس لأول مرة من شهور. كأني كنت شايلة جبل ثقيل فوق كتفي وفجأة اترسخ على الأرض واترمى بعيد. بابا بصل لي وابتسم ابتسامة مليانة حب وقال: “برافو عليكِ يا بنتي.. هي دي أميرة اللي أنا ربيتها.”دخلت أوضتي، مشيت ناحية الشباك اللي كنت بقف فيه بالساعات. فتحت الستارة على وسعها، وبصيت على الشارع. شفته وهو طالع من بوابة العمارة، ماشي بسرعة وبيتحرك بتوتر وهو بيحاول يكلم حد في التليفون، شكله مكسور ومتلخبط تمامًا، عكس المشية الواثقة اللي كان ماشيها في المول. وقفت في الشباك عادي، مش مستخبية ورا الستارة، ومش بحاول أستخبى عشان ما يشوفنيش. بصيت للشارع وللسما وللهواء، وأخدت نفس عميق جدًا. القصة مكنتش انتهت عند المحاكم والقضايا، لأن الأيام كانت متكفلة إنها توريني العجب.. والضربة القاضية مكنتش من ناحيتي أنا، كانت من المكان اللي هو مكنش يتوقعه خالص. مرت الأيام بعد موقف الباب، وكانت كل حاجة جوايا بتتغير بسرعة غريبة. الحقوق اللي كان فاكر إنه هيساومني عليها، المحامي استردها بالقانون خطوة بخطوة، وبدأت أرجع لشغلي ولحياتي، وأرجع أميرة اللي اتنست تحت ركام الأوهام. الشباك اللي كان مصدر ذل، بقى مجرد شباك بيدخل منه نور الشمس والهوا، ومبقاش يفرق معايا مين معدي في الشارع ومين رايح. أما هو، فكان فاكر إن المشهد انتهى عند انتصاره الشكلي بإعلانه الخطوبة، لكن الأيام كان ليها رأي تاني خالص. في يوم، وأنا راجعة من شغلي الظهر، قابلت جارتنا أم أحمد في مدخل العمارة. أم أحمد دي هي “رادار” الشارع، عارفة كل صغيرة وكبيرة. أول ما شافتني، مسكت في إيدي بلهفة ووشها مليان علامات استفهام وذهول:ـ “أميرة يا بنتي! أنتِ سمعتي اللي حصل ولا لسه؟”بصلتها بهدوء وقلت لها: “خير يا خالة أم أحمد؟ في إيه؟”ضمنت إيدها على إيدي وقالت بصوت واطي وهي بتلتفت حواليها:ـ “طليقك يا بنتي. . العمارة والشارع كلهم بيتكلموا من إمبارح بالليل! خطيبته الست ميرنا دي، طلعت جايبة أصلها وفصلها، وعملت معاه حركة ما يعملهاش عيل صغير!”حسيت بفضول فطري، بس حاولت أحافظ على هدوء وشي وقلت: “حصل إيه يعني؟ “أم أحمد ضحكت بصوت مكتوم وقالت:ـ “الست هانم اللي كان ماشي يتباهى بيها في المول ويوريها للناس، اتاريها كانت بتمثل عليه الحب والتقل عشان تدبسه! أبوه وأمه كانوا رافضين الجوازة دي من الأول، بس هو وقف وشهم وركب راسه وكان بيطير بيها. الأكثر قراءة الان حكايات زهره الربيع 1 منذ 4 أيام حكايات زهره الربيع 2 منذ 4 أيام حكايات زهره الربيع 1 منذ يومين . المهم، إمبارح بالليل كانت الشبكة وكتب الكتاب في قاعة كبيرة، وبعد ما كتب الكتاب والدفاتر اتوقعت والمأذون مشي، والناس قاعدة بتبارك، قام أبوها وطالب بفلوس ومؤخر ومؤجل غير اللي متفقين عليه كاتبين في القايمة، وقالوا له يا تدفع الفلوس دي كاش دلوقتي يا مفيش دخالة! “اتوسعت عيني بذهول، وأم أحمد كملت بشغف:ـ “هو اتصدم وقالهم دي مش اتفاقاتنا، وقام يزعق.. راحت الست ميرنا هانم واقفة قدام القاعة كلها، وبصت له بنفس النظرة اللي كان بيبص بيها للناس، وقالت له بصوت مسموع: ‘أنا مابتجوزش حد مش قادرة أضمن معاه مستقبلي، واللي ميعرفش يقدرني بفلوسه يبقى ميعزنيش! ‘ وسابته ورسائل الشبكة والفلوس والمؤخر في جيبها، وخرجت هي وأهلها وسابوه واقف في وسط القاعة قدام قرايبه وأصحابه زي العبيط!”كنت بظبط شنطتي على كتفي وأنا أسمع الكلام، مش قادرة أصدق إن العدالة الإلهية دارت بالسرعة دي. نفس الإنسانة اللي وقفت جنبُه في المول تضحك عليا وتدلع عليه وهو بيمارس عليا غروره، هي نفسها اللي ادت له درس العمر في معنى “الرخص” والأنانية. أم أحمد كملت وهي بتهز رأسها:ـ “الشارع كله عرف باللي حصل، وأمه نازلة شتيمة فيها وفي أهلها، وهو محبوس في بيته من إمبارح مش قادر يخرج ولا يوري وشه لأحد، بعد ما كان ماشي حاطط رأسه في السما. “طلعت الشقة، قعدت على السرير، وحسيت بمزيج غريب من المشاعر. مكنتش شمتانة، بس كنت حاسة إن ربنا جبر بخاطري، ووراني إن اللي يفتري ويدوس على كرامة حد عشان يرضي كبريائه، ربنا بيسلط عليه اللي يدوس على كبريائه بنفس طريقة التجريح. بعد الحادثة دي بأسبوعين، كنت نازلة الصبح بدري عشان أروح مشوار تبع شغلي. الشارع كان فاضي والهوا بارد. وأنا ماشية بخطوات سريعة ومرفوعة الراس، سمعت صوت خطوات ورايا.. خطوات مترددة وبطيئة. ما اهتميتش وكملت مشي، لكن الصوت قرب، وسمعت صوته وهو بينادي بصوت خافت، مكتوم، ومبحوح:ـ “أميرة. .”وقفت مكاني. أخدت نفس هادي، ولفت وشي بالراحة. كان واقف على بعد مترين مني. شكله كان متجعد، عينيه فيها سواد وكسرة مش طبيعية، هدومه مش بنفس الشياكة والاستعراض بتاع زمان، ووشه خالي تمامًا من أي أثر للغرور اللي كان مالي عينيه في المول. صل لي بكسرة وقدم خطوة صغيرة وقال بصوت بيترعش:ـ “أميرة.. أنا عارف إن مالياش عين أقف قدامك، ولا أكلمك..”بصلت له بثبات تام، من غير أي انفعال، وسكتت ومردتش عليه، سبته ينطق بكل اللي جواه. بلع ريقه وصوته بدأ يضعف أكتر:ـ “أنا اتقهرت يا أميرة. . اتقهرت واتفضحت قدام الدنيا كلها. الست اللي فضلتها عليكي وبعت كرامتك عشان أرضي غروري معاها، طلعت أردأ خلق الله، وأخدت كل حاجة ورمتني في السباخ.. أنا شفت بنفسي الفرق بين الأصل الطيب وبين الناس المزيفة. “دمعة نزلت من عينه، ورفع إيده يحاول يلمس الهدوم أو يقرب، بس رجعها تاني لما شاف نظرة جمودي:ـ “أنا آسف.. والله العظيم آسف على كل كلمة قلتها لك في المول، وعلى كل مرة تجنبتك فيها وحسستك إنك ولا حاجة. الأكثر قراءة الان حكايات زهره الربيع 1 منذ 4 أيام حكايات زهره الربيع 2 منذ 4 أيام حكايات زهره الربيع 1 منذ يومين أنا كنت أعمى، وربنا رد لي كل اللي عملته فيكي في أعز ما أملك.. أنا بقيت كل يوم بفتكر وقفتك في الشباك وببكي بدل الدموع دم على النعمة اللي ضيعتها من إيدي.”قرب خطوة كمان وقايل بصوت راجي:ـ “سامحيني يا أميرة.. اديني فرصة واحدة نرجع، ونبدأ من جديد، والله لأشيلك فوق رأسي وما أخلي الهوا يلمسك..”فضلت باصة له.. النظرة دي اللي كان مستنيها من شهور، والاعتذار ده اللي كنت بأتمنى أسمعه زمان عشان يرتاح قلبي، جه في الوقت اللي خلاص.. قلبي بقى فيه طين جاف مش بيمسك فيه أي أمل ناحيته. ابتسمت ابتسامة خفيفة أوي، خالية من أي كره أو شماتة، ورسخت رجلي على الأرض وقلت له بصوت هادي جداً:ـ “عارف يا فلان؟ الاعتذار ده جه متأخر أوي..”عينيه اتوسعت برجاء: “أرجوكي يا أميرة، ما تقفليهاش في وشي.. “رديت عليه بثبات:ـ “أنا مش قافلاها في وشك عشان أنا زعلانة منك.. أنا مش زعلانة أصلاً. أنت بالنسبة لي بقيت زي أي غريب معدي في الشارع. الضربات اللي ادتهالي في المول وعند باب بيتنا مقتلتنيش، هي بس صحّتني.. وعرفتني إن كرامتي وأصلي أكبر بكتير من إني أكون مجرد ‘خيار ثاني’ أو ملجأ لما الدنيا تضيق بيك.”لفت وشي عشان أمشي، فركض خطوتين وقال بصوت لهفة:ـ “يعني مفيش أي أمل؟ مفيش أي طريقة نصلح بيها اللي فات؟”وقفت ولفت بصيت له لآخر مرة وقلت له:ـ “الأمل الوحيد اللي فاضل. . إنك تتعلم الدرس، وتبطل تكسر قلوب الناس اللي بيحبوك، عشان ربنا بيخلص بالحق.”سبته واقف في وسط الشارع، نزل رأسه للأرض ومش قادر يبص في عيني، ومشيت بخطوات واثقة وسريعة، حاسة إن الهواء بيدخل صدري صافي ونقي. لكن الأحداث مكنتش وقفت عند المحطة دي.. لأن الحياة كانت مجهزة لي مفاجأة تانية خالص، في المكان والوقت اللي مكنتش أتوقعه أبدًا.