ليالي2

وبصوت هادى يسحر غنه اغنيه شرين مشاعر

بتغنى باحساس وصوت روعه والكل منسجم معها وهيتجننوا على فاتنه الجمال صاحبه الصوت العذب والاحساس المرهف

زين اتمنى انو فى الوقت ده يخطفها عن عيون الكل

جاسر واقف مبهور بيها حس انها من عالم تانى حس انو اتشد ليها حاجه تانيه مش عشان يلعب بيها

نسرين واقفه جمب زين هتولع من لى لى

وخلصت لى لى الغنيه والكل سقفلها بحراره واعجاب

زين بصلها من بعيد نظرت غض,,ب وتهديد وهيا عملت نفسها مش واخده بالها

شويه واشتغلت موسيقى هاديه حب نسرين تدايق لى لى صممت تاخد زين وترقص وزين وافق غصب عنه عشان نسرين مش تحس بحاجه

لى لى واقفه مدايقه ان نسرين فى حض,,ن زين بالقرب ده

قرب منها جاسر

البرنسيسه ليالى تسمحلى بالرقصه دى

ليالى بصتله ورجعت بصت ل زين وحست انها عاوزه تغيظه وتنتقم منه وافقت ترقص مع جاسر

جاسر

مكنتش اعرف ان صوتك جميل زى شكلك

لى لى

مرسى يا جاسر بيه

جاسر

لا قولى جاسر بس

لى لى حست انها اتسرعت انها وافقت ترقص معاه بسبب نظراته الوقحه وايده ال بيحركها على خصرها بتملك

زين شافه وهو بيرقص معاها وبيميل عليها وبيضحك ومقدرش يسيطر على نفسه وقرب منه وهو بيرقص مع نسرين

وبحرجه مفاجاه اخد لى لى من جاسر واداله نسرين

زين

معلش يا جاسر عاوز ليالى فى موضوع مهم كمل رقص مع نسرين وانا هرقص مع ليالى

ليالى حست ان قلبها بيدق جامد لما اخدها زين فى حض,,نه

زين بغض,,ب جامح وبيتكى على خصرها بايده

لى لى اتوجعت

اه براحه فى ايه سبنى مش عاوزه ارقص معاك

زين بصوت خافض ومن تحت اسنانه

ارقصى الناس بتبص علينا

انتى ازاى ترقصى مع جاسر وتخليه يقرب منك كده

لى لى بضيق

وانت مالك ما انت كنت بترقص مع نسرين وفى حض,,نك

زين بغض,,ب

انتى مش زيها فاهمه

لى لى حست انو يقصد يهنها

زين مكملا وبتغنى ليه عاوزه الكل يتكلم عليكى

قسما بربى لو ما طلعتى دلوقتى اوضتك ما هيهمنى الحفله ولا الناس ولا منظرك وهجرجرك من شعرك على فوق سامعه

بصت لى لى ل عنيه لقت الاصرار ظاهر عليه وانو فعلا ممكن يعمل كده ويخلى منظرها وحش قدام الناس

خلصت الرقصه ودخلت لى لى تجرى على الفيلا وطلعت اوضتها

خلصت الحفله واصر نادر يوصل نهى

طول الطريق يبصوا ل بعض وساكتين

شويه وتلفون نهى رن

ايه بتقولى ايه طب انا جايه فى الطريق خليكى جمبها وانا هطلب الاسعاف